Труднички Муабети

Труднички Муабети- Доење со љубов, успешна приказна и нејзината подготовка- Епизода 16

Во оваа епизода, посветена на најубавата љубовна врска меѓу мајката и новороденото бебе, на тема доење, не само како исхрана, туку и како покажување на љубов, зборувам со Наташа Цветановска Тодосовска, специјалист за доење, која може да се пофали со преку 190 часови специфична лактациска едукација и над 600 часови поминати во работа со семејства во последните две години. Наташа ја познавате преку профилот преку кој споделува знаење и нуди помош на оваа тема во вид на информации, курсеви, постови, а го носи името @doenje_so_ljubov.
Колку една мајка треба да знае или знае за процесот на доење, кои се најчестите предизвици со кои една жена се соочува додека дои, и каков вид на поддршка ни е потребен додека доиме, се само дел од прашањата чии одговор може да го преслушате во оваа епизода. 

Труднички Муабети - Производите кои го надополнуваат и олеснуваат процесот на доење- Бонус Епизода

БОНУС ЕПИЗОДА: Разговарам со Анастасија Зафировска Панчевски, одговорна за програмата на Медела за производите кои го надополнуваат и олеснуваат процесот на доење. Со помош на она што го имаме кај нас, да создадеме чувство на сигурност кај новите мајки и доилки, дека опции и можности има, но за жал во целата таа бркотница последните недели, не размислуваме секогаш за сите опции кои ни се нудат. 

Труднички Муабети- Партнерот во бременоста, неговата вклученост и помош- Епизода 15

Оваа епизода на Труднички муабети, третира една доста интересна тема, но и многу важна и тесно поврзана со психичкото здравје на бремената жена, иако овој пат ќе ги погледнеме работите од еден поинаков агол. Зборувам со Бојана Петровска или попозната како @moj_psiholog за периодот на бременост, раѓање но и мајчинство и директното влијание и присуство на партнерот, односно таткото во целиот тој процес и период. 

Труднички Муабети- Се што треба да знае трудницата за периодот на бременост- Епизода 14

Овој поткаст не би бил комплетен, ако во него не се појави и една гостинка чии совети вредат злато. За тоа е заслужна нејзината едукација и искуство-  може да се пофали со над 10 години работа како признаена мастер акушерка во Германија- Акушерка Николина Ралевски, се грижи за бремени жени, чинот на раѓање и постпартум период.  Ќе ни одговори на прашањата: кој триместар во бременоста носи најмногу предизвици? Кои се најголемите стравови на трудниците? И кога е вистинско време идната мајка да почне со подготовките за најважната средба- пораѓајот?

Труднички Муабети- Oралното здравје кај трудницата, доилката и бебето- Епизода 13

Епизода број 13 е резервирана за една многу важна тема која ја разговаравме со Др. Бојан Ангеловски, стоматолог, специјалист по детска и превентивна стоматологија, ни даде многу совети за грижата на забите во бременоста, но и неколку насоки околу грижата на запчињата кај бебињата, па да имаме важни информации со кои би ја стартувале грижата за оралното здравје. Дали секоја бременост ја чини трудницата по еден заб? И смееме ли да правиме ренген снимка во бременоста? Кога е време за првиот стоматолошки преглед на бебето и дали цуцлите лажливки се штетни или корисни? Разговор кој ќе сакате да го преслушате неколкупати или да го препратите на најблиските пријателки.

Труднички муабети- #МојатаПриказна со Илина Пејоска Затуроски- Епизода 12

Мојот денешен гостин во поткастот Труднички Муабети е Илина Пејоска Затуроски, на многу од Вас позната, и како лик но и како глас и како личност која создава, креира, функционира, личност која води свој бизнис, но е и многу активна на социјалните мрежи.
Она што ме воодушевува, кога ја следам е дека несебично споделува и свои лични искуства, искрено и без маски. Во моментов ја ужива својата втора бременост, и гласно зборува за предизвиците со кој се соочува во моментов,  а инспирација за прашања најдов во нејзините многу искрени последни постови на инстаграм. 
Искрено и многу отворено за својата приказна, преслушајте ја Илина.

Труднички муабети- Бременост со хипермезис гравидарум (ХГ) - Епизода 11

Што е тоа хипермезис гравидарум? Каква е таа состојба во бременоста? И со кои се предизвици се соочува една жена, по патот да се реализира како мајка? Оваа приказна од бременоста, е малку поинаква, ова е приказна која ќе не освести на едно друго ниво, патување низ бременоста кое има намера да инспирира, да извести и доколку сте во слична ситуација да ви даде сила и мотивација да ги пребродите и оние моменти кога мислите дека е невозномжно. Моја соговорничка е Ангела Костовска, која несебично ја сподели својата приказна, со цел да им помогне на многу идни мајки, да се мотивираат дека се е возможно, ако силно веруваш во себе! 
Прекрасни 30 минути разговор во најновата епизода на Труднички Муабети!
 

Труднички муабети- Две временски блиски бремености и нивните предизвици- Епизода 10

Секоја бременост но и секое растење на бебето во детенце, е предизвик сам по себе. Навистина, понекогаш потребна ни е многу сила, мотивација и верба, да се убедиме себеси дека е во ред и дека се ќе постигнеме.  Но што кога по раѓањето на првото бебе, наскоро, доаѓа веднаш и уште едно? 
На оваа тема, моја соговорничка, овој пат беше Анастасија Илиевска која е наш ТВ лик и мајка која инспирира, ужива и креира содржина на социјалните мрежи. Таа најискрено ја сподели својата трудничка приказна, направи компарација, ни откри што и помагало во текот на бременоста и ни ги откри своите гледишта и начини како да се решат предизвиците кога временски двете бремености се близу една до друга. 
 

Труднички муабети- Компликации во бременоста- Епизода 09

Можеме ли да бидеме подготвени за она што ни следува? А што ако не тече се по планот? И што кога ќе се јават компликации? 
На оваа тема зборувам со Елена Џебр, дипломиран психолог, психотерапефт која активно работи, говори, мотивира и креира.  

Труднички муабети- Шминка и нега во бременоста со Бојана Делидинкова- Епизода 08

Во осмата епизода од серијалот Труднички Муабети, зборуваме за шминката, негата на лицето, но и телото, а денешната соговорничка Бојана Делидинкова несебично сподели и многу моменти од својата бременост, освен што не советуваше и на што да внимаваме, кога е негата во прашање, а што слободно да уживаме. Прекрасен 40 минутен разговор во кој Бојана ни открива несебично за најмагчните моменти во бременоста, кои и биле омилените производи додека ја очеквала највозбудливата средба во животот и одговор на прашањето, колку треба секој трудница да го чита составот на секој производ?