Труднички Муабети

Труднички муабети- Две временски блиски бремености и нивните предизвици- Епизода 10

Секоја бременост но и секое растење на бебето во детенце, е предизвик сам по себе. Навистина, понекогаш потребна ни е многу сила, мотивација и верба, да се убедиме себеси дека е во ред и дека се ќе постигнеме.  Но што кога по раѓањето на првото бебе, наскоро, доаѓа веднаш и уште едно? 
На оваа тема, моја соговорничка, овој пат беше Анастасија Илиевска која е наш ТВ лик и мајка која инспирира, ужива и креира содржина на социјалните мрежи. Таа најискрено ја сподели својата трудничка приказна, направи компарација, ни откри што и помагало во текот на бременоста и ни ги откри своите гледишта и начини како да се решат предизвиците кога временски двете бремености се близу една до друга. 
 

Труднички муабети- Компликации во бременоста- Епизода 09

Можеме ли да бидеме подготвени за она што ни следува? А што ако не тече се по планот? И што кога ќе се јават компликации? 
На оваа тема зборувам со Елена Џебр, дипломиран психолог, психотерапефт која активно работи, говори, мотивира и креира.  

Труднички муабети- Шминка и нега во бременоста со Бојана Делидинкова- Епизода 08

Во осмата епизода од серијалот Труднички Муабети, зборуваме за шминката, негата на лицето, но и телото, а денешната соговорничка Бојана Делидинкова несебично сподели и многу моменти од својата бременост, освен што не советуваше и на што да внимаваме, кога е негата во прашање, а што слободно да уживаме. Прекрасен 40 минутен разговор во кој Бојана ни открива несебично за најмагчните моменти во бременоста, кои и биле омилените производи додека ја очеквала највозбудливата средба во животот и одговор на прашањето, колку треба секој трудница да го чита составот на секој производ?

Труднички муабети- #МојатаПриказна со Александра Пренџова- Епизода 07

Седмата епизода на Труднички Муабети посветена на периодот од бременоста и сите згоди и незгоди на Александра Пренџова. Ја знаеме од инстаграм, каде често споделува преслатки фотографии, совети и дечиња од нејзиното секојдневие. Секогаш оргинална, поинаква и уникатна, преслушајте ја Александра во #МојатаПриказна од бременоста

Труднички муабети- #МојатаПриказна со Сандра Малетски- Епизода 06

Ако сакате и следите профили полни љубов, позитивни вибрации, патувања, организација, среќни семејства и мајки, чии дух не мирува и постојано е во потрага по совршен декор во домот, сигурна сум дека сте налетале односно дека ја следите Сандра Малет, односно Сандра Малетски на инстаграм. Имав навистина голема желба да ја поканам и да поразговараме за најмагичниот период од нејзиниот живот, во поткастот Труднички Муабети, а прифаќањето на поканата ептен ме израдува и еве денес, конечно најдовме 5 минути слободно време, за 30-тина минути да се помуабетиме.
 

Труднички муабети- Подготовка на поголемкото дете за бебето што доаѓа-Епизода 05

Втората бременост е добра вест. Сепак, можно е кога ќе дознаете дека сте бремена по втор пат, прво да се загрижите, бидејќи не знаете како ќе реагира вашето прво дете. Доаѓањето на неочекуван помлад брат или сестра не мора да биде трауматично искуство за вашето прво дете. Но дали секогаш е така?
Денес разговарам со една интересна соговорничка, чија втора бременост сите ја следевме и уживавме, низ бајковитите фотографии кој таа ни ги споделуваше на социјалните мрежи. Жена која е активна во секое поле и на која многу жени се огледуваат или пак им помага да се мотивираат за да продолжат напред. Дoлго време е ативна и на подкаст сцената, а нејзиниот глас сигутно ќе го познаете. Дизајнер, мајка, сопруга, сопственик на мал бизнис, мотиватор, поткастер и прекрасна соговорничка- Моника Зец.

Труднички муабети- Домашните миленици и бременоста- Епизода 04

Разговараме со Александра за улогата на домашните миленици, поконкретно за кучињата во домот, во текот на брменоста, но и откако бебето ќе стаса дома. Низ нејзиното искуство, детално ќе ви опише, колку е значајна улогата на миленикот во домот и како да се обидете да воспоставите беспрекорен баланс, на што да се внимава и како таа ги поминала трудничките денови заедно со Нала. Каква била првата средба на нејзиното милениче и бебето?
Верувам дека овој подкаст ќе одговори на многу Ваши прашања! 

Труднички муабети- Поддршката на таткото во бременоста- Епизода 03

Разговараме за улогата на таткото во бременоста со Сандра, Сертифициран едукатор за породување & дула.
Некако кога ќе дознаеме дека некоја жена е бремена целиот фокус оди кон неа. Во оваа фаза, како и во текот на целата бременост, на жената и се потребни помош и поддршка, како физичка, така и емоционална.
Кога партнерот е најпотребен и колку е важно да е присутен во чинот на породување? 
БОНУС: Искористете го кодот "Code15" за попуст при купување на програмите на Сандра на веб страната www.mamma.mk 

Труднички муабети- Депресија во бременоста- Епизода 02

Постои ли предродилна депресија/депресија во бременост? Колкав процент на жени се соочени со овој проблем?
На оваа тема зборувам со Елена Џебр, дипломиран психолог, психотерапефт која активно работи, говори, мотивира и креира. Па ја прашав, што ја поттикнува депресијата во бременоста? И како да се справиме со неа имајќи предвид дека сепак се работи за период на бременост?

Труднички муабети- Соништа во бременоста- Епизода 01

Епизода 1 во Труднички Муабети гостуваше Леа Ризанова, вам позната како #ДомасоЛеа, зборувавме на тема: Зошто трудниците сонуваат толку многу соништа, која е научната позадина на сето ова и кога завршува оваа состојба.